Torre Cajasol

Torre Cajasol
A torre en 2014
Edificio
Localización	Sevilla, Andalucía
Coordenadas	37°23′31″N 6°00′35″O
Propietario	CaixaBank
Uso(s)	Oficinas
Construción
Inicio	2007
Remate	2015
Dimensións
Altura	180,5 m
Altura da última planta	157,2 m
Plantas	37 + 3 baixo rasante
Número de ascensores	13
Equipo
Arquitecto(s)	César Pelli
[ editar datos en Wikidata ]

A Torre Cajasol, tamén coñecida como Torre Pelli por ser o seu arquitecto César Pelli, é un rañaceos de oficinas en construción na cidade de Sevilla. As obras comezaron en marzo de 2008 e espérase que finalicen en 2015.

A torre ten 180,5 metros de altura e 40 plantas, 3 delas baixo a rasante. A torre será utilizada para oficinas, tendo a súa entrada pola rúa Odiel. A torre, construída para ser a sede de Cajasol, será o edificio máis alto da cidade e tamén de Andalucía.

Historia e características

A torre estase a construír na Illa da Cartuja, na zona onde se celebrou a Exposición Universal de Sevilla de 1992. Está situada xunto ao río Guadalquivir nunha área reurbanizada na década de 2000. A torre estará flanqueada por dous edificios de catro plantas tamén deseñados por César Pelli. Os bordos curvados dos edificios definirán unha praza que se abre no norte e o sur e estreita no centro, creando unha rúa comercial peonil escalada.

Informouse que a UNESCO estaba a considerar poñer monumentos da cidade de Sevilla que se clasifican como Patrimonio da Humanidade (a Catedral, os Reais Alcázares e o Arquivo Xeral de Indias) na lista de patrimonio en perigo a causa do "impacto visual negativo" da torre no vello horizonte da cidade de Sevilla. A proposta foi rexeitada na reunión do Comité do Patrimonio Mundial da UNESCO en San Petersburgo en 2012, pero na reunión lamentouse que o traballo na torre non fora suspendido.

Véxase tamén

Outros artigos

• Lista de rañaceos en España

Ligazóns externas

• Sitio oficial da Torre Iberdrola (en castelán)